Frí heimsending þegar verslað er yfir 10.000 kr. eða meira, allt að 20 kg.
Menu
Innkaupakarfa
Engar vörur í körfu.

Opnum nýja og endurbætta verslun á Stórhöfða

30 september, 2021

Ný verslun - Eirberg Stórhöfða

Ný og endurbætt verslun Eirbergs er á sama stað og sú gamla en í um þrefalt stærra rými og áður. Með þessari nýju verslun munu vörurnar njóta sín betur og hjálpa starfsfólki að veita persónulega og góða þjónustu.

Í nýrri verslun verður meðal annars úrval af umhverfisvænum útivistarfatnaði, hlaupafatnaði, hlaupa- og gönguskóm og stuðningshlífar. Lofthreinsi- og rakatæki, nuddtæki, jóga- og æfingavörur, undirföt og sundföt. heilsukoddar, þyngingarsængur, dagljós og snjalltengd heilsutæki auk ýmissa vara til setja upp þína eigin heilsulind heima við.

Eirberg ehf. er rótgróið fjölskyldufyrirtæki sem fagnar 21 ára afmæli nú um áramótin. Eirberg byggir vöruframboð sitt á faglegum grunni þar sem starfsfólk kappkostar að veita afbragðsþjónustu. Verslanir Eirbergs njóta sérstöðu hvað vöruval og gæði snerta þar sem góð upplifun viðskiptavina er mikilvæg. Lögð er áhersla á vörur sem efla heilsu og almenn lífsgæði; vörur fyrir útivist og umhverfisvænan lífsstíl; ásamt snjalltengdum búnaði og stuðningsvörum sem auðvelda daglegt líf og styðja heilsumarkmið einstaklinga.

Nafnið Eirberg er samsett orð sem kemur úr norrænni goðafræði en þar segir frá lækningagyðjunni Eir sem var ein af meyjum Menglaðar. Menglöð, sú hin sólbjarta, hefst við á Lyfjabergi með meyjum sínum þar sem sárir og sjúkir fengu lækningu meina sinna. Til gamans má geta að Lyfjaberg er yfirleitt sýnt sem stuðlaberg en þaðan fær systurfyrirtæki Eirbergs nafn sitt; Stuðlaberg heilbrigðistækni ehf. en systurfyrirtækin eru bæði með aðsetur að Stórhöfða 25.
Stuðlaberg þjónustar stofnanir og fagfólk á heilbrigðissviði og er sýningarsalur Stuðlabergs staðsettur fyrir ofan verslun Eirbergs og því hæg heimatök fyrir viðskiptavini og skjólstæðinga að skoða og prófa úrval hjálpartækja og búnaðar með sérfræðingum í velferðartækni. Hjúkrunarfræðingar Stuðlabergs sinna auk þess stóma- og þvagleggjaþjónustu fyrir viðskiptavini á skrifstofu fyrir ofan verslun.

Ný verslun - Eirberg Stórhöfða 1